آسام میں سیلاب متاثرین کے لیے راحت و ریلیف کا کام جاری

مرکزی جمعیت اہل حدیث ہند کے امیرمحترم مولانا اصغر علی امام مہدی سلفی نے اعلیٰ سطحی راحتی وفد کے ساتھ سیلاب متاثر ریاست آسام کا دورا کیا۔

مرکزی جمعیت اہل حدیث ہند کی پریس ریلیز کے مطابق اس کا ایک اعلیٰ سطحی وفد جوکئی دنوں سے مسلسل صوبہ آسام کے سیلاب متاثرین میں ریلیف اور نقصانات کا جائزہ لینے کا کام کررہا تھا کل بھی ضلع گوالپاڑہ کے متعدد جگہوں کا دورہ کیا اور دورہ کے بعد آج دہلی مرکز کی طرف واپس آچکا ہے۔
مرکزی جمعیت اہل حدیث ہند کے اس اعلیٰ سطحی وفد نے امیر جماعت مولانا اصغرعلی امام مہدی سلفی کی قیادت اور نگرانی میں سیلاب کی صورتحال کاجائزہ لیا۔

مرکزی جمعیت اہل حدیث ہند کے دیگر ذمہ داران ناظم عمومی مولانا ہارون سنابلی، ناظم مالیات الحاج وکیل پرویز ضلع جمعیت اور صوبائی جمعیت آسام کے ذمہ داران خصوصاً صوبائی امیر مولانا مقصود الرحمن مدنی کی موجودگی میں سیلاب زدگان کے مابین نقدی خوردنی اشیاء،کپڑے اوردیگر گھریلو ضروریات کے سامان تقسیم کئے گئے۔

اس اعلیٰ سطحی وفد نے گاں دھوا، باغ پوری، ماں گورماری، دوئی گاؤں، ہولی ہاماری، چنگاگوڑی، کھلوبیا،باندی دارنگ، بالی ڈونگاموری گاؤں، ٹمکابوری، لکھی پورگوالپاڑہ جیسے مقامات پرراحت رسانی کاکام اعلیٰ پیمانے پر کیا۔

اس کے علاوہ وفد نے مدرسہ دارالحدیث ٹمکا بوری، مدرسہ ام سلمہ للبنات بوری اورمدرسہ ریاض الجنۃ گول پاڑا، مدرسہ خدیجۃ الکبری للبنات الاسلامیہ ٹلوپاڑہ لکھی پورہ میں بھی طلبا کے مابین کپڑے اورکمبل وغیرہ تقسیم کئے گئے۔

علاوہ ازیں باضابطہ طورپر متاثرین کی باز آبادکاری کا کام مرکزی جمعیت اہل حدیث ہند کے منصوبے میں شامل ہے۔