تینسوکیا:آسام کے تینسوکیا ضلع کے کاکپتھر کے بور دیرک میں منگل کی رات تقریباً ساڑھے دس بجے ایک خوفناک سڑک حادثہ پیش آیا۔ ٹرک اور ٹاٹا میجک کے درمیان تصادم میں سات افراد ہلاک اور 12 زخمی ہوگئے۔ زخمیوں کو تشویشناک حالت میں تنسوکیا سول اسپتال میں داخل کرایا گیا۔ بعد ازاں انہیں بہتر علاج کے لیے ڈبرو گڑھ آسام میڈیکل کالج اسپتال ریفر کیا گیا۔ ذرائع کے مطابق حادثے کے شکار ہونے والے لوگ ٹاٹا میجک میں سفر کر رہے تھے۔ حادثے کے وقت وہ ڈمڈوما کے ہفتہ وار بازار سے دیرک سونجن گاؤں میں اپنے گھر لوٹ رہے تھے۔ اس کے بعد راستے میں ٹرک اور ٹاٹا میجک کے درمیان آمنے سامنے ٹکر ہوئی۔ مقامی ذرائع نے بتایا کہ ٹرک کا ڈرائیور شراب کے نشے میں گاڑی چلاتے ہوئے اروناچل پردیش سے آرہا تھا۔
پولیس نے بتایا کہ کیس درج کرکے واقعہ کی تحقیقات جاری ہے۔ لاشوں کو پوسٹ مارٹم کے لیے بھیج دیا گیا ہے۔ مرنے والوں کی شناخت بنیتا (بلی) باروا، رینا گوگوئی، میہیدھر نیوگ، پبین مارن، کولائی میش، پلاوی دہوتیا کے طور پر کی گئی ہے۔ زخمیوں میں اتل گوگوئی، برنجیت مارن، جونالی مارن، بیکاش نیوگ، گولیشور مارن، مونو مارن، یشودا مارن، لکشمی مارن، ایلتا مارن، پنکی مارن شامل ہیں۔