سی آئی ڈی نے غیر قانونی کال سینٹرز کا پردہ فاش کیا

آسام کے شہر گوہاٹی میں مرکزی تحقیقاتی ٹیم نے غیر قانونی کال سینٹز کے ذریعے لوگوں کو دھوکہ دینے والی 9 خواتین سمیت 37 افراد کو گرفتار کیا ہے۔

گوہاٹی میں 'اوینر پرائیویٹ لمیٹیڈ' کے نام پر ایک کمپنی کال سینٹرز کا کام انجام دے رہی تھی۔

یہ کال سینٹرز راجیش خان نامی شخص کے ذریعے سے چلایا جارہا تھا۔
اڈیشنل پولیس جنرل ایل آر بشنوئی کے مطابق' سی آئی ڈی نے 22 مانیٹرز 40 پرسنل کمپیوٹرز 2 پین ڈرائیوز 1 لیپ ٹاپ، 32 موبائیل فون اسکے علاوہ ڈائیری اور مختلف کاغذات برآمد کئے گئے ہیں۔

انھوں نے مزید بتایا کہ'کال سینٹر میں تقریبا 7 لاکھ امریکی شہریوں کا ڈیٹا موجود تھا، جس کے ذریعے سے کمپنی کو ماہانہ 50 لاکھ روپیے کا منافع مل رہا تھا'۔

تعزیرات ہند کی دفعہ 120 بی کے تحت انکے خلاف کیس درج کیا گیا ہے۔