ریاستی وزیر صحت ڈاکٹر ہیمنت وشو شرما نے یہاں نامہ نگاروں سے کہا کہ رات کے کرفیو کے علاوہ ہم دیگر سرگرمیاں بحال کرنے کے لئے تیار ہیں۔
انہوں نے کہا کہ ہم کرفیو سے مل رہی مدد کے پیش نظر اسے جاری رکھنا چاہتے ہیں۔ اس کا وقت شام سات بجے کے بجائے رات نو بجے سے رکھا جا سکتا ہے۔
انہوں نے کہا کہ ہم دیگر معمول کی سرگرمیوں کو بحال کرنا چاہتے ہیں۔ شاپنگ مالس اور تعلیمی ادارے بھی آہستہ آہستہ کھولے جا سکتے ہیں۔ ایک بار لوگ صحت اور صفائی ستھرائی کے عادی ہو جاتے ہیں، تو یہ عادت برقرار رہتی ہے۔
وزیر صحت نے کہا کہ ریاست کے لوگوں نے ماسک کا استعمال کرتے ہوئے اور ’سوشل ڈسٹنسنگ‘ جیسے معیارات کو اختیار کر لیا ہے، اس وجہ سے عام سرگرمیوں کو دوبارہ شروع کئے جانے میں مسئلہ نہیں ہونا چاہئے۔
انہوں نے کہا کہ اس پر اگرچہ مرکزی حکومت کو فیصلہ لینا ہے اور ہم ان کے ہدایات کی پیروی کریں گے۔