ناگالینڈ: کورونامتاثرین کی تعداد 359 ہوئی

ناگالینڈ میں کورونا وائرس کی وبا تیزی سے پھیل رہی ہے اور ریاست میں کورونا کے 29 نئے معاملے سامنے آنے کے ساتھ ہی متاثرہ افراد کی تعداد 359 ہوگئی ہے۔

ریاست ناگالینڈ میں کورونا وائرس (کووڈ-19) کا انفیکشن بڑھتا ہی جا رہا ہے۔ سیکریٹری داخلہ ابھیجیت سنہا نے کووڈ۔19 کی باقاعدہ بریفنگ میں بتایا کہ ریاست میں کورونا کے مزید 29 نئے معاملوں کی اطلاع ملی ہے، جن میں سے 15 کیس کوہیما، دو جنہیبوٹو اور 12 کوہیما کے قریب جکھاما فوجی چھاؤنی سے ہیں۔

کل تک ریاست میں 148 مریض صحتیاب ہوچکے ہیں اور اس کے ساتھ ہی کورونا انفیکشن کے 211 مریض فعال ہیں۔ مسٹر سنہا نے بتایا کہ کووڈ-19 ہسپتالوں میں تمام کورونا مثبت مریضوں کا علاج ہو رہا ہے اور یہ تمام معاملات بغیر علامات کے ہیں۔

محکمہ صحت اور خاندانی بہبود کے جاری کردہ سرکاری بلیٹن کے مطابق، بیماریوں کی نگرانی کے مربوط پروگرام کے تحت ضلع پیرن میں سب سے زیادہ 83 کورونا کے کیسز پائے گئے ہیں اور اس کے بعد کوہیما میں 48، دیماپور میں 38، مون میں 23 اور تونسنگ اور توینسانگ اور جنہیبوٹو اضلاع میں تین تین معاملے پائے گئے ہیں۔