خاتون کی لاش قبر سے نکال کر پوسٹ مارٹم
اے پی کے کاکناڈا کی گُرتیڈو پولیس نے ریونیو حکام کے ساتھ قبائلی حاملہ خاتون کی لاش قبر سے نکال کر اس کا وہیں پر دوبارہ پوسٹ مارٹم کروایا۔
قبائلی حاملہ خاتون کی لاش قبر سے نکال کر پوسٹ مارٹم کیاگیا
اس خاتون کی مشتبہ موت کی شکایت ملنے کے بعد اس کا دوبارہ پوسٹ مارٹم کروایا گیا۔
اس خاتون کی شناخت جاجی ولاسا گاوں کی رہنے والی 21 سالہ کے سُگنا کے طورپر کی گئی ہے۔ اس کی موت 27 جنوری کو ہوئی تھی اور اگلے دن اس کے ارکان خاندان نے اس کی تدفین کی۔
اس کے سسرالی رشتہ داروں کی جانب سے اس کو ہلاک کرنے کی سازش کے سلسلہ میں خاتون کے رشتہ داروں کی شکایت کی بنیاد پر وی آراو نے اس معاملہ کو پولیس کے علم میں لایا جس کے بعد پولیس نے اس کی لاش کو قبر سے نکلوایا اور ڈاکٹرس نے وہیں پر اس کی لاش کا پوسٹ مارٹم کیا۔
پولیس نے کہاکہ فارنسک رپورٹ ملنے کے بعد ہی مزید کارروائی کی جائے گی۔
Last Updated : Feb 28, 2020, 9:40 PM IST