تلنگانہ میں تلگودیشم پارٹی کو دھچکا

تلنگانہ تلگودیشم کے سینئر رہنما و سابق رکن پارلیمان ناما ناگیشورراو نے ریاست کی حکمراں جماعت ٹی آر ایس میں شمولیت اختیار کرلی۔

انہوں نے چند دنوں قبل وزیراعلی چندرشیکھرراو سے ملاقات کرتے ہوئےان کی پارٹی میں شمولیت کی خواہش ظاہر کی تھی۔

جس کے بعد انھوں نے وزیراعلی کی رضامندی پر اپنے حامیوں اور تلگودیشم کے مختلف رہنماؤں کے ساتھ رسمی طور پر برسراقتدار جماعت میں شمولیت اختیار کرلی۔ ٹی آر ایس کے کارگزار صدر تارک راماراو نے گلابی کھنڈوا پہناتے ہوئے ان کا ٹی آر ایس میں خیرمقدم کیا۔

واضح رہے کہ ناماناگیشورراو نے گزشتہ برس کے تلنگانہ اسمبلی انتخابات میں کھمم اسمبلی حلقہ سے مقابلہ کیاتھا جس میں انھیں شکست ہوئی تھی۔