تروملا تروپتی دیوستھانم کی زمین فروخت کرنے کی تردید

تروملا تروپتی دیوستھانم (ٹی ٹی ڈی) ٹرسٹ کے چیرمین وائی وی سبا ریڈی نے ٹی ٹی ڈی کی اراضی کو فروخت کرنے کی اطلاعات پر ردعمل کا اظہار کرتے ہوئے ان خبروں کی تردید کی ہے۔

سباریڈی نے اپنے بیان میں بتایا کہ ٹی ٹی ڈی اراضی فروخت کرنے کی اطلاعات سیاست پر مبنی ہیں جبکہ اس سلسلہ میں 2014-2019 کی ریاستی حکومت اور بورڈ نے مشترکہ طور پر فیصلہ لیا تھا۔

انہوں نے کہا کہ قبل ازیں دور دراز واقع زمین کو بیچنے کا فیصلہ کیا گیا تھا کیونکہ ٹی ٹی ڈی بورڈ ان جائیدادوں کی دیکھ بھال کرنے سے قاصر تھا۔

سبا ریڈی نے کہا کہ موجودہ بورڈ کے پہلے کے فیصلوں پر صرف نظرثانی کی ہے لیکن اب تک کسی بھی جائیداد کو فروخت نہیں کیا گیا ہے۔

اس تنازعہ کے پیش نظر آندھراپردیش حکومت نے ایک حکم نامہ جاری کرکے ٹی ٹی ڈی بورڈ کو مختلیف اسٹیک ہولڈز سے مشاورت کرکے اس معاملہ میں ازسرنو جائزہ لینے کی ہدایت دی ہے۔