آندھرا: کورونا وائرس کے مریضوں کی تعداد میں کمی

آندھرا پردیش میں گزشتہ 24 گھنٹے کے دوران کورونا وائرس کے 663 نئے مریضوں کی تصدیق ہوئی ہے جس کے بعد متاثرہ افراد کی کل تعداد 8.69 لاکھ سے تجاوز کرگئی ہے

وجئے واڑہ: آندھرا پردیش میں طویل وقفے کے بعد بدھ کے روز گزشتہ 24 گھنٹے کے دوران کورونا وائرس کے 663 نئے مریضوں کی تصدیق ہونے سے متاثرہ افراد کی کل تعداد 8.69 لاکھ سے تجاوز کرگئی ہے۔

وہیں نئے مریضوں کے مقابلے میں صحتیاب افراد کی تعداد میں مسلسل اضافہ ہورہا ہے، جس سے زیر علاج مریضوں میں کمی آئی ہے اور ایسے مریضوں کی تعداد 6924 پر آ گئی ہے۔

آندھرا میں مریضوں کی شفایابی کی شرح قومی اوسط سے کہیں زیادہ ہے۔ ریاست میں شفایابی کی شرح 98.4 فیصد ہے۔

آج کی ہیلتھ بلیٹن کے مطابق ریاست میں متاثرہ افراد کی تعداد 869412 ہوگئی ہے۔ اس کے ساتھ ہی سات افراد کی ہلاکت کی وجہ سے اموات کی تعداد 7003 سے زائد ہو چکی ہے۔

ریاست میں 855485 افراد شفایاب ہوئے ہیں۔ صحت یاب افراد کی تعداد میں اضافے کی وجہ سے نئے متاثرین کے مقابلے میں زیر علاج مریض بھی کم ہوئے ہیں۔

واضح رہے کہ کورونا وائرس کے متاثرین کے معاملے میں مہاراشٹر اور کرناٹک کے بعد آندھرا پردیش ملک میں تیسرے نمبر پر ہے۔