آندھراپردیش اسٹیٹ روڈ ٹرانسپورٹ کارپوریشن (اے پی ایس آرٹی سی) نے محکمہ میں تبدیلیوں کے لئے تیارکرلی ہے تاکہ مسافرین کی تعداد میں اضافہ کیاجاسکے۔
اس کے حصہ کے طورپر حکومت توقع ہے کہ اس ماہ میں مزید 698 بسوں کی خریداری کرے گی۔
حکومت 18ملٹی ایکسل،50اندرا اور 630نان اے سی بسوں کی خریداری کی تجویز رکھتی ہے۔
دوسری طرف پرانی بسوں کو مرحلہ وار انداز میں ہٹا دیا جائے گا۔
اے پی ایس آرٹی سی کو حکومت میں ضم کرنے سے پہلے ریاستی حکومت نے آرٹی سی کے لئے بجٹ میں 1572کروڑروپئے کا بڑا فنڈ الاٹ کیا ہے۔
اس کےعلاوہ225کروڑروپئے کی رقم نئی بسوں کی خریداری کے لئے الاٹ کی گئی ہے۔
موجودہ طورپر 27وائٹ سلیپری اور68امراوتی بسیں،آرٹی سی کے بیڑہ میں شامل ہیں۔
آرٹی سی نے 18جدید والوو بسیں جیسے گروڈا،گروڈاپلس،اندرا اور اربن بسوں کی تعداد 230کرنے کا فیصلہ کیاہے۔
آرٹی سی کے عہدیداروں کو توقع ہے کہ پرائیویٹ اسکولس اور کالجس کی بسوں کو سٹی بس سروس میں تبدیل کیاجائے گاکیونکہ اسکولز اور کالجس کی پرائیویٹ بسیں صبح اور شام کے اوقات کے سوا دیگر اوقات میں خالی رہتی ہیں۔
حکومت نے تعلیمی اداروں کے ساتھ اس خصوص میں تبادلہ خیال کا بھی فیصلہ کیا ہے تاکہ ان بسوں کا استعمال کیا جاسکے۔