آندھرا پردیش کے وزیر ٹرانسپورٹ، اطلاعات اور تعلقات عامہ پرنی وینکٹ رامیا عرف نانی کرشنا کی رہائش گاہ کے قریب ان پر حملہ کیا گیا۔ تاہم کسی بھی طرح کے تقصان یا زخمی ہونے کی کوئی اطلاع نہیں ہے۔
پولیس کے مطابق پرنی وینکٹ رامیا پر اس وقت حملہ کیا گیا جب وہ اپنی رہائش گاہ سے باہر آ رہے تھے۔ وزیر کے بندوق بردار نے حملہ آور کو پکڑ کر اسے پولیس کے حوالے کر دیا۔
حملہ آور کی شناخت بی ناگیشور راؤ کے نام سے ہوئی ہے جس کے نشے میں ہونے کا شبہ تھا۔
پولیس نے اسے گرفتار کر لیا اور پوچھ گچھ شروع کر دی۔
پولیس نے بتایا کہ حملہ آور کے خلاف وزیر کے پیروکاروں کی طرف سے درج شکایت کی بنیاد پر قتل کی کوشش کا مقدمہ درج کیا گیا تھا۔
وزیر نے نامہ نگاروں کو بتایا کہ آس پاس کے دیہات سے لوگ ان کی والدہ کی 12 ویں دن کی تقریب میں شرکت کے لئے ان کی رہائش گاہ پر گئے جن کا حال ہی میں انتقال ہوگیا۔ جب وہ اپنی رہائش گاہ سے باہر آرہے تھے ، ایک شخص ان کے پاس آیا ، ان کے پیروں کو چھونے کے لئے نیچے جھکا اور اچانک حملہ کیا۔
پولیس اس معاملے کی تحقیقات کر رہی ہے۔
