اے پی:چلتی بس میں آگ لگ گئی،مسافرین جان بچانے کود پڑے

ریا ست آندھرا پردیش کے ضلع کرشنا میں چلتی بس میں آگ لگنے کا واقعہ پیش آیا۔ ضلع کرشنا کے وجئے واڑہ رورل زون کی قومی شاہراہ پر پرائیویٹ ٹراویلس کی بس میں یہ واقعہ پیش آیاجو وشاکھاپٹنم سے وجئے واڑہ کی سمت جارہی تھی

جب یہ بس پراساداماپاڈو علاقہ کے ایس وی آرسنٹر کے قریب پہنچی تو اس کے انجن میں آگ لگ گئی۔اس واقعہ کے بعد اپنی جان بچانے کے لئے بس کی کھڑکیوں سے تقریبا35مسافرین کود پڑے۔اطلاع ملتے ہی فائر بریگیڈ کے اہلکاروہاں پہنچے جنہوں نے آگ پرقابوپایا۔اس واقعہ میں بس سے کودجانے والے مسافرین معمولی زخمی ہوگئے۔سمجھاجاتا ہے کہ تیز رفتاری کی وجہ سے یہ واقعہ پیش آیا۔