آندھراپردیش میں کورونا کے 50 نئے کیسز کی تصدیق

آندھراپردیش میں کورونا وائرس تیزی سے پھیل رہا ہے جبکہ اس کے مریضوں کی تعداد میں روزبرو اضافہ ہوتا جارہا ہے۔

ریاست آندھراپردیش میں گذشتہ چوبیس گھنٹوں کے دوران کورونا کے مزید 50 کیسز مثبت پائے گئے۔

ضلع کرنول میں اس وبا سے ایک اور موت کے بعد ریاست میں اس وبا سے مرنے والوں کی کل تعداد 45 ہوگئی ہے۔

اسی طرح گذشتہ چوبیس گھنٹوں کے دوران اس مرض سے 38 لوگ صحت یاب ہوئے ہیں تاہم اب تک 925 مریضوں کو صحتیابی کے بعد ہسپتالوں سے ڈسچارج کردیا گیا ہے۔

تازہ ہیلتھ بلٹین کے مطابق 50 نئے کیسز میں سے 16 چتور میں درج کئےگئے جبکہ ضلع میں اب تک اس وبا سے متاثر ہونے والوں کی تعداد 107 ہوگئی۔

تازہ معاملات میں 13 کا تعلق کرنول سے، 5 کا اننت پور سے، 6 کا گنٹور سے اور دو کا تعلق پرکاشم ضلع سے بتایا گیا ہے۔

ریاست میں فی الوقت ریاست میں 1010 کورونا مریضوں کا علاج کیا جارہا ہے۔