'مقامی پارٹیوں کا اتحاد وقت کی ضرورت'

ڈی ڈی سی انتخابات کے پیش نظر گاورن علاقہ میں گپکار الائنز کی جانب سے مشترکہ طور پرتقریبات کا اہتمام کیا گیا۔

مرکز کے زیر انتظام جموں و کشمیر میں ڈی ڈی سی انتخابات کا بگل بجتے ہی سیاسی لیڈروں نے اپنی سرگرمیاں تیز کر دی ہے۔

اسی سلسلے میں آج حلقہ انتخاب کوکرناگ کے گاورن علاقہ میں پی ڈی پی اور نیشنل کانفرنس کا مشترکہ اجلاس منعقد ہوا، جس کی صدارت نیشنل کانفرنس کے سینئر پارٹی کے سینئر لیڈر سید توقیر احمد نے کی، ان کے ہمراہ این سی اور پی ڈی پی کے کئی سینئر رہنماء تھے۔ جبکہ گاورن علاقہ سے تعلق رکھنے والے کئی لوگوں نے اجلاس میں حصہ لیا۔

اس موقع پر سیاسی رہنماؤں نے لوگوں سے خطاب کرتے ہوئے کہا کہ 'لوگوں کو چاہئے کہ وہ گذشتہ برس کا وہ وقت یاد کریں جب ریاست جموں و کشمیر سے خصوصی اختیارات چھینے گئے۔'

مقررین نے اپنی اپنی تقریر میں گپکار الائنز کا حوالہ دیتے ہوئے کہا 'الائنز کرنا یہاں کی مقامی پارٹیوں کے اس لئے ضروری بن گیا، تاکہ مرکز میں بیٹھی سرکار کو جموں و کشمیر سے دور رکھا جائے۔

واضح رہے کہ 'حلقہ انتخاب کوکرناگ کے لارنو بلاک سے پی ڈی پی کے سینئر لیڈر گلزار احمد کھٹانہ کی اہلیہ خالدہ بی بی ڈی ڈی سی انتخابات میں حصہ لے رہی ہے۔