اننت ناگ:وادی میں موسم خزاں کی آمد کے ساتھ ہی موسم نے کروٹ بدل لی۔ ایک طرف جہاں کسانوں نے فصلوں کی کٹائی، اور میوئے باغات سے میوئے اتارنے سے لیکر انہیں ملک کی مختلف ریاستوں میں فروخت کرنا شروع کیا ہے، وہی موسم خزاں نے اپنا زور دکھانا شروع کیا ہے، جس کے نتیجے میں میدانی علاقوں میں بارشیں جبکہ پہاڑی علاقوں میں برف باری کا سلسلہ شروع ہوگیا ہے۔
برفباری کے سبب اننت ناگ کشتواڈ اور مرگن ٹاپ مڑواہ رابطہ شہراوں کو ٹریفک کی آواجاہی کے لئے مسدود کر دیا گیا ہے۔ انتظامیہ نے مذکورہ شاہراوں کا جائزہ لینے کے بعد فیصلہ لیا کہ دونوں شاہراوں کو ٹریفک کی آمد رفت کے لئے معطل کردیا گیا ہے تاکہ لوگوں کی جان اور مال کو تحفظ فراہم ہو۔ایس ڈی ایم کوکرناگ کی طرف جاری ایک حکمنامے میں کہا گیا کہ 'سنتھن ٹاپ پر تازہ برف باری اور بدلتے ہوئے موسمی صورتحال کے پیش نظر سنتھن – کشتواڑ اور مرگن روڈ پر ٹریفک کی نقل و حمل بند کی جاتی ہے۔انہوں نے کہا کہ ان سڑکوں پر موسم سازگار ہونے اور برف ہٹانے تک ٹریفک معطل رہے گا۔