مرکز کے زیر انتظام جموں و کشمیر میں ان دنوں برفباری Snowfall in Jammu and Kashmir جاری ہے، اس وجہ سے عام زندگی مفلوج ہو کر رہ گئی ہے۔
وادی کے ساتھ ساتھ ضلع اننت ناگ میں برفباری کا سلسلہ جاری وہیں جنوبی کشمیر کے ضلع اننت ناگ میں گزشتہ شام سے ہی میدانی و بالائی علاقوں میں تازه برف باری کے بعد عام زندگی کافی متاثر ہو گئی ہے۔ جبکہ دن کے درجہ حرارت میں نمایاں کمی کے بعد سردی میں مزید اضافہ ہوا ہے۔
یہ بھی پڑھیں: اننت ناگ میں دوسرے روز بھی برفباری کا سلسلہ جاری
یہ بھی پڑھیں: اننت ناگ میں برفباری کا سلسلہ بدستور جاری
اننت ناگ و دیگر قصبہ جات میں برف باری کی وجہ سے لوگوں کو کافی مشکلات کا سامنا کرنا پڑ رہا ہے اور کچھ قصبہ جات میں ابھی برف ہٹائی نہیں گئی ہے۔ جبکہ کئی مقامات پر سڑکوں پر پانی بھی جمع ہو گیا ہے۔ اس ضمن میں لوگوں کا کہنا ہے کہ بیشتر علاقوں میں بجلی سپلائی بھی متاثر ہے جس کی وجہ سے انہیں مزید دقتوں کا سامنا کرنا پڑ رہا ہے۔
