بیاسی لاکھ روپے خود پر خرچ نہیں کیے ہیں: محبوبہ مفتی

محبوبہ مفتی نے کہا ہے 'بیاسی لاکھ روپے کی خریداری میرے گھر کے لیے نہیں بلکہ ہاسپٹیلٹی اور پروٹوکول ڈیپارٹمنٹ اسٹور کے لیے ہوئی ہے'۔

پی ڈی پی کی صدر محبوبہ مفتی نے کہا کہ آر ٹی آئی میں جن 82 لاکھ روپے کا ذکر کیا گیا ہے وہ میں نے ذاتی گھر پر خرچ نہیں کیے ہیں بلکہ وہ مہمان نوازی اور محکمہ پروٹوکول کے تحت کیے جانے والے اخراجات ہیں۔'

انہوں نے کہا ہے 'یہ خریداری میرے گھر کے لیے نہیں بلکہ ہاسپٹیلٹی اور پروٹوکول ڈیپارٹمنٹ اسٹور کے لیے ہوئی ہے'۔

محبوبہ مفتی نے کہا کہ یہ سہولیات محکمہ نائب وزیراعلیٰ، گورنر اور دیگر معززین کو بھی فراہم کرتا ہے'

وادی کشمیر کے انعام النبی سوداگر نامی ایک ایک کارکن نے آر ٹی آئی دائر کیا تھا جس کے جواب میں انکشاف ہوا ہے کہ پی ڈی پی کی صدر محبوبہ مفتی نے جنوری سے جون 2018 تک چھ ماہ کے عرصے میں تقریباً 82 لاکھ روپے خرچ کیے تھے، جب وہ جموں و کشمیر کی وزیر اعلی تھیں۔