جنوبی کشمیر کے ضلع اننت ناگ میں کھیل کود کی سرگرمیوں کو فروغ دینے اور کھلاڑیوں کی حوصلہ افزائی کے لیے کھیل کود کا سامان تقسیم کیا گیا۔
اننت ناگ: کرکٹ کھلاڑیوں میں کھیل کود کا سامان تقسیم
کھیل کود کا سامان مقامی سیاسی رہنما عمران احمد شاہ نے ایک تقریب کے دوران ایک مقامی کرکٹ کلب سے وابستہ کھلاڑیوں میں تقسیم کیا۔
ذرائع ابلاغ کے نمائندوں سے بات کرتے ہوئے انہوں نے کہا کہ ایل جی انتظامیہ کی جانب سے کھیل کود کی سرگرمیوں کو فروغ دینے کے لیے مختلف کھیل کود کے مقابلوں کا انعقاد کرنے کے علاوہ کھلاڑیوں کی حوصلہ افزائی کے لیے یونیفارم اور کھیل کود کا سامان فراہم کیا جاتا ہے۔ انہوں نے کے کہا کہ سرکاری امداد کے ساتھ ساتھ مقامی افراد کو بھی اپنے علاقہ جات میں کھلاڑیوں کی حوصلہ افزائی کے لیے آگے آنا چاہئے۔