غیر قانونی تجاوزات کے خلاف حکمنامہ

ضلع ترقیاتی کمشنر اننت ناگ ڈاکٹر پیوش سنگلا کی جانب سے پہلگام بائی پاس شاہراہ پر غیر قانونی تجاوزات کو روکنے کا حکم جاری کیا گیا ہے۔

حکمنامہ کے مطابق ایک اطلاع موصول ہونے کے بعد کہ چند خود غرض عناصر بجبہاڑہ لنگن بل پہلگام شاہراہ پر واقع لڈی دہوت اور آوورہ گاؤں میں زرعی اراضی، آبی اول پر تجاوزات کھڑے کر رہے ہیں۔

چونکہ مذکورہ علاقے محکمہ وائلڈ لائف اور پہلگام ڈیولپمنٹ اتھارٹی کے حدود میں آتا ہے، لہذا ان علاقہ جات میں تعمیرات کھڑے کرنے سے نہ صرف قدرتی خوبصورتی متاثر ہو رہی ہے بلکہ یہ حرکت لینڈ ریونیو ایکٹ کی خلاف ورزی بھی ہے۔

غیر قانونی تجاوزات کے خلاف حکمنامہ

سب ڈویثرنل مجسٹریٹ پہلگام اور متعلقہ تحصیلدار کو ہدایت دی گئی ہے کہ وہ پولیس کی مدد سے اپنی ٹیم کے ہمراہ مذکورہ علاقوں کا دورہ کریں اور غیر قانونی طریقہ سے کی جارہی تمام تعمیرات کو روکیں۔

ایس ڈی ایم کو ہدایت دی گئی ہے کہ وہ اس سلسلہ میں ایک ہفتہ کے اندر ایک تفصیلی رپورٹ پیش کریں۔