جنوبی ضلع اننت ناگ کے ہیر گڈول علاقے میں راشن گھاٹ نہ ہونے کی وجہ سے لوگوں کو کافی مشکلات کا سامنا کرنا پڑ رہا ہے۔
تفصیلات کے مطابق لوگوں نے شکایت کی ہے کہ انہیں راشن حاصل کرنے کے لیے چھ کلومیٹر کا فاصلہ طے کرنا پڑتا ہے۔
مقامی لوگوں کا کہنا ہے کہ علاقہ میں پکی رابطہ سڑک نہ ہونے کی وجہ سے انہیں راشن یا گھر کے لیے کوئی اور درکار چیزیں کندھوں پر اٹھانہ پڑتا ہے، جس کی وجہ سے انہیں عبور و مرور میں کافی دقتوں کا سامنا رہتا ہے۔
لوگوں نے تحصیل انتظامیہ سے مطالبہ کیا ہے کہ وہ ان کی مشکلات کا ازالہ کرنے کے لیے ہیر گڈول میں ایک راشن ڈپو کا قیام عمل میں لائے تاکہ ان کو پیش آنے والی مصیبتوں سے کچھ حد تک چھٹکارہ ملے۔