پہلگام میں مفت میڈیکل کیمپ

ملک بھر کے ساتھ ساتھ جموں و کشمیر میں بھی گاندھی جینتی کے موقعے پر سرکاری سطح پر مختلف پروگراموں کا انعقاد کیا گیا اسکے علاوہ غیر سرکاری انجمنیں بھی گاندھی جینتی منانے میں پیش پیش دکھائی دیں۔

جنوبی کشمیر کے ضلع اننت ناگ کے پہلگام علاقے میں غیر سرکاری تنظیم کی جانب سے میڈیکل کیمپ کا انعقاد کیا گیا۔

تفصیلات کے مطابق پہلگام کی خوبصورت وادیوں میں گاندھی جینتی کے موقعے پر گاندھی گلوبل فیملی نامی این جی او تنظیم کی جانب سے میڈیکل کیمپ کا انعقاد کیا گیا جس میں غریب لوگوں کو مفت دوائیں تقسیم کی گی۔

تنظیم سے وابستہ جاوید احمد نامی ایک رضا کار نے بتایا کہ ہم نے گاندھی جی کے جنم دن کے موقع پر اس کیمپ کا انعقاد کیا ہے اور لوگوں کو مفت میں دوائیاں تقسیم کی۔ انہوں نے بتایا کہ لوگوں کی سہولت کے لیے اس کیمپ کا انعقاد کیا گیا۔ کورونا کی وجہ سے لوگوں کو کافی دشواریاں درپیش ہے، اس وجہ سے ہم نے کیمپ منعقد کر کے لوگوں میں مفت دوائیاں تقسیم کی۔