این آئی اے نے اننت ناگ میں چھاپے مارے

این آئی اے کے مطابق یہ کاروائیاں کئی افراد کے آئی ایس کے ساتھ مبینہ روابط اور ٹیرر فنڈنگ معاملات کی تحقیقات کے تناظر میں انجام دی جا رہی ہیں۔

وادی کے دیگر مقامات کے ساتھ ساتھ جنوبی کشمیر کے اننت ناگ میں این آئی اے کی کارروائی جاری ہے۔ این آئی اے نے مختلف مقامات سے چھاپے مارے ہیں۔


نشینل انویسٹیگیشن ایجنسی کی جانب سے وادی میں چھاپہ ماری کا عمل جاری ہے۔ این آئی اے نے پیر کے روز اننت ناگ کے مومن آباد اور گانجی واره علاقوں میں چھاپے مارے۔ اس دوران رہائشی مکانات و دیگر تنصیبات کی تلاشی لی گئی۔

این آئی اے نے گذشتہ روز اچھہ بل میں ایک شخص کو گرفتار کیا تھا۔ گرفتار کیے گئے افراد کے تعلق سے تفتیش کے لیے این آئی نے اچھہ بل کا دورہ کیا اور مختلف مقامات پر ازسر نو تلاشی لی گئی۔

گذشتہ روز این آئی اے کی جانب سے جاری کردہ بیان میں کہا گیا یہ کارروائیاں کئی افراد کے آئی ایس کے ساتھ مبینہ روابط اور ٹیرر فنڈنگ کے معاملات کی تحقیقات کے تناظر میں انجام دی جا رہی ہیں۔