اننت ناگ: بیداری کیمپ کے ذریعے سرکاری اسکیمز کے تئیں بیداری

جموں و کشمیر کے ضلع اننت ناگ کے لوگوں میں سرکاری اسکیمز کے بارے میں معلومات فراہم کرنے کے لیے کیمپ منعقد کئے جائیں۔

اننت ناگ ڈسٹرکٹ لیگل سروسز اتھارٹی اور ضلع انتظامیہ کے اشتراک سے 6 مارچ کو بوائز ہائر سیکنڈری اسکول میں بیداری کیمپ منعقد کیا جائے گا جس میں لیگل سروسز اتھارٹی جموں و کشمیر کے ایگزیکٹیو چیئرمین جسٹس علی محمد ماگرے مہمان خصوصی کے طور پر شرکت کریں گے۔

اس کیمپ کا مقصد لوگوں کو مختلف سرکاری اسکیموں کے بارے میں معلومات فراہم کرنا ہے تاکہ وہ ان اسکیموں سے فائدہ اٹھا سکیں۔

کیمپ کے دوران مختلف محکموں کی جانب سے اسٹالس قائم کئے جائیں گے اور ضرورت مند افراد کی آن لائن رجسٹریشن کرکے ان میں مختلف آلات بھی موقع پر ہی تقسیم کئے جائیں گے۔

ان باتوں کا اظہار اننت ناگ ڈسٹرکٹ لیگل سروسز اتھارٹی کی سکریٹری رافعہ حسن خاکی نے کیا۔