کوکرناگ: سڑک سے برف نہ ہٹانے پر عوام برہم

ضلع اننت ناگ کے کوکرناگ میں سڑکوں سے برف ہٹانے میں مکینکل انجینیئرنگ ڈیپارٹمنٹ ناکام۔ عوام نے اس معاملے میں متعلقہ حکام سے مداخلت کی اپیل کی۔

حلقہ انتخاب کوکرناگ کے لوگوں کا الزام ہے کہ مختلف علاقوں کی سڑکوں سے محکمہ مکینکل انجینیئرنگ ڈیپارٹمنٹ برف ہٹانے میں ناکام ہو چکا ہے۔ بچکن ناڑ، ماگرے پورہ سے تحصیل مقام کی جانب جانے والی اہم سڑک بند پڑی ہوئی ہیں۔ جس کے باعث لوگ گھروں میں ہی محصور ہو گئے ہیں۔ برف باری کے سبب رابطہ سڑک بند ہو چکی ہے۔

بچکن ناڈ کوکرناگ کے لوگوں نے ای ٹی وی سے بات کرتے ہوئے کہا کہ مسلسل کئی دنوں تک برف باری کے نتیجے میں مذکورہ علاقہ تحصیل مقام سے منقطہ ہو گیا ہے۔ ان کا کہنا ہے کہ گذشتہ کئی دنوں سے وہ محکمہ مکینکل انجینیئرنگ ڈیپارٹمنٹ کو رابطہ کر رہے ہیں کہ علاقہ کی رابطہ سڑک سے برف ہٹانے کا کام عمل میں لایا جائے تاکہ مقامی لوگوں کی آواجاہی ممکن ہو سکے، تاہم مذکورہ محکمہ عدم توجہی کا مظاہرہ کر رہا ہے۔ جس کے سبب علاقے کے لوگ اپنے گھروں میں محصور ہو گئے ہیں۔

ای ٹی وی بھارت نے فون پر یہ معاملہ محکمہ مکینکل انجینیئرنگ ڈیپارٹمنٹ کے اسیسٹنٹ ایگزیکوٹیو انجینیئر بنیامن ٹھاکر کی نوٹس میں لانا چاہا تو مذکورہ آفیسر نے فون نہیں اٹھایا۔