نوگام ویری ناگ میں مستری مینار سے گر کر ہلاک

مستری کی شناخت محمد یوسف ڈار ولد محمد امار ڈار ساکن کھڈوانی کولگام کے نام سے ہوئی ہے۔

اتوار کی صبح جنوبی کشمیر کے ضلع اننت ناگ کے ویری ناگ کے نوگام علاقے میں ایک مسجد کے مینار کی تعمیر کے دوران مستری 40 فیٹ کی اونچائی سے پھسل کرنیچے گرگیا جس کی وجہ سے اس کی موقع پر ہی موت ہوگئی۔
مستری کی شناخت محمد یوسف ڈار ولد محمد امار ڈار ساکن کھڈوانی کولگام کے نام سے ہوئی ہے۔

ویری ناگ میں ایک پولیس افسر نے بتایا "متوفی کی لاش آخری رسومات کے لئے اس کے لواحقین کے حوالے کردی گئی۔ پولیس نے اس سلسلے میں دفعہ 174 سی آر پی سی کے تحت تفتیش کی کارروائی شروع کردی ہے۔"