جنوبی کشمیر کے ضلع اننت ناگ میں کورونا وائرس کو پھیلنے سے روکنے اور مارکیٹ میں لوگوں کے ہجوم کو کم کرنے کے لیے ضلع مجسٹریٹ نے گزشتہ شام نیا حکم جاری کرتے ہوئے مکمل لاک ڈاؤن کا اعلان کردیا ہے۔
اننت ناگ میں کرفیو کے نفاذ میں سختی ضلع ترقیاتی کمشنر اننت ناگ ڈاکٹر پیوش سنگلا نے گزشتہ روز ایک حکمنامہ جاری کیا ہے جس کے مطابق سنیچر 24 اپریل کی شام 8 بجے سے دوشنبہ 26 اپریل کی صبح 6 بجے تک مکمل لاک ڈاون نافذ رہے گا۔
آج اننت ناگ قصبہ کے تمام داخلی اور خارجی راستوں کو بند کردیا گیا ہے، قصبہ اننت ناگ کے اندرونی علاقوں میں سیکورٹی کے پختہ انتظامات کیے گئے ہیں تاکہ کرفیو کو سختی سے نافذ کیا جاسکے۔
اننت ناگ کے ڈپٹی کمشنر ڈاکٹر پیوش سنگلا نے کہا کہ ضلع میں کووڈ 19 کی دوسری لہر کو قابو میں کرنے اور کورونا کی چین کو توڑنے کے لیے لاک ڈاؤن نافذ کیا گیا ہے اگر کوئی بھی شخص کرفیو کی کی خلاف ورزی کرتا ہے تو اس کے خلاف سخت کاروائی کرنے کی ہدایت دی ہے۔
