اننت ناگ: چنار ٹاؤن کہلائے جانے والے قصبہ بجبہاڑہ کو مزید جاذب نظر بنانے کی غرض سے حکام خصوصاً میونسپلٹی کمیٹی کی جانب سے کئی اقدامات اٹھائے جا رہے ہیں۔ دریائے جہلم کے کناروں کی صاف صفائی، جگہ جگہ پارکس اور پلوں سمیت دیگر عوامی مقامات پر گلدستے نصب کیے جا رہے ہیں جس سے عوامی حلقوں میں کافی خوشی پائی جا رہی ہے۔Bijbehara Town Beatification
قصبہ بجبہاڑہ کی تزئین و آرائش سے عوامی حلقوں میں خوشی
بجبہاڑہ کے باشندوں نے ای ٹی وی بھارت کے ساتھ بات کرتے ہوئے میونسپل کمیٹی بجبہاڑہ کی جانب سے قصبہ کی تزئین و آرائش کے لیے اٹھائے جا رہے اقدامات کی کافی سراہنا کی۔ مقامی باشندوں نے بتایا کہ کہ ’’ایسے اقدامات سے نہ صرف قصبہ کی خوبصورتی میں مزید چار چاند لگ گئے ہیں بلکہ اس سے مقامی باشندوں سمیت یہاں آنے والے سیاح بھی محظوظ ہو جاتے ہیں۔‘‘