کوکرناگ: طلبا کے درمیان اسٹیشنری آئیٹمس تقسیم

انیس آرآر کی جانب سے گڈول کے ایک مقامی مدرسہ میں زیر تعلیم طلبا کے درمیان سٹیشنری آئیٹمس تقسیم کی گئی۔ اس دوران مقامی عوام نے آرمی کے اس قدم کی ستائش کی۔

اننت ناگ کے حلقہ انتخاب کوکرناگ کے ایک پسماندہ علاقہ اہلن پائن فاٹن گڈول میں قائم مدرسہ نورالعلوم میں زیر تعلیم طلاب میں انڈین آرمی کی 19 آرآر کی دلیر کمپنی نے کتابیں اور سٹیشنری آئٹیمس تقسیم کیں۔ اس دوران طلبہ کے درمیان کبڈی اور دوسری میچز کراوئے گئے۔

دلیر کمپنی نے مدرسہ کے بچوں کی جسمانی نشو نماء کو بڑھاوا دینے کے لئے کھیل کود کی سرگرمیاں عمل میں لائی۔ حالانکہ شدت کی سردی کے باوجود بھی مقامی بچوں نے کھیل سرگرمیوں میں بڑھ چڑھ کر حصہ لیا۔ بعد میں فاتح بچوں کو مختلف انعامات سے نوزا گیا۔

اس موقع پر طلبہ نے میڈیا سے بات کرتے ہوئے کہا 'ہمارا علاقہ کافی پسماندہ ہے اور ہمیں کھانا بڑی مشکل سے دستیاب ہوتا ہے، جبکہ پڑھنے لکھنے کے لئے ضروی چیزوں کی عدم دستیابی سے مدرسہ کے بچوں کو کافی مشکلات کا سامنا رہتا ہے'۔

انہوں نے انیس آرآر کی دلیر کمپنی کا شکریہ ادا کرتے ہوئے کہا 'فوج مذکورہ علاقہ میں اکثر و بیشتر ایسے اقدامات اٹھا رہی ہے۔ جس کی وجہ سے یہاں کے لوگوں کو تھوڑی راحت ملی ہے'۔