کوکرناگ میں منشیات فروشی کے الزام میں ایک شخص گرفتار

معاشرے سے منشیات کے خاتمے کے لئے جموں و کشمیر پولیس نے اپنی کوششوں کو جاری رکھتے ہوئے کوکرناگ کے ہانگل گنڈ نامی علاقے میں منشیات فروشی کے الزام میں ایک شخص کو گرفتار کیا ہے۔

جنوبی کشمیر کے ضلع اننت ناگ کے کوکرناگ میں منشیات فروشوں کے خلاف کارروائی جاری رکھتے ہوئے کوکرناگ پولیس نے ہانگل گنڈ کے مقام پر ایک گاڑی زیر رجسٹریشن نمبر JK03E_4284 کی تلاشی لی، تلاشی کے دوران پولیس نے گاڑی سے کوڑین کی کئی بوتلیں برآمد کی۔

پولیس نے گاڑی کے ڈرائیور عبد المجید میر ولد محمد عازم ساکن ہاکھورا، بدسگام کو حراست میں لے لیا۔

کوکرناگ پولیس نے اس ضمن میں ایک کیس درج کر کے مزید تفتیش شروع کردی ہے۔

دریں اثناء، مقامی لوگوں نے پولیس کارروائی کی سراہنا کرتے ہوئے امید جتائی ہے کہ مستقبل میں بھی کوکرناگ پولیس منشیات فروشوں کے خلاف کارروائی جاری رکھے گی، وہیں پولیس نے بھی لوگوں سے اپیل کی ہے کہ وہ منشیات کا قلع قمع کرنے میں پولیس کا تعاون کریں۔