سابق ڈی سی بشیر احمد ڈار نے کے کے سدھا کو چارج سونپا اور انہیں مبارکباد پیش کی۔
عہدہ سنبھالنے کے بعد ضلع ترقیاتی کمشنر نے سابق ڈی سی اور تمام متعلقہ افسران و ملازمین کا شکریہ ادا کیا۔
میڈیا سے بات کرتے ہوئے ڈی سی نے کہا کہ ''وہ ضلع کی تعمیر وترقی اور خوشحالی کے لیے تن دہی سے کام کریں گے اور اپنی ذمہ داریوں پر کھرا اترنے کی ہر ممکن کوشش کریں گے۔''
انہوں نے مزید کہا کہ ''ضلع کو کورونا وائرس سے پاک کرنے کے لئے لاک ڈاؤن کو سختی سے لاگو کیا جائے گا، کووڈ کے حساس مقامات پر کسی بھی طرح کی ڈھیل نہیں دی جائے گی۔''
انہوں نے سرکاری افسران سے کہا کہ 'وہ ضلع کی تعمیر و ترقی کے لئے مل جل کر کام کریں اور آپسی تال میل کے ذریعہ عوامی مسائل کو ترجیحی بنیادوں پرحل کرنے کی ہر ممکن کوشش کریں ۔
واضح رہے کہ اس سے قبل بشیر احمد ڈار ڈی سی اننت ناگ کے بطور اپنی خدمات انجام دے رہے تھے، جنہیں ٹرانسفر کر کے سڈکو میں بحیثیت منیجنگ ڈائریکٹر کا عہدہ سونپا گیا ہے۔
