اننت ناگ:ہائی کورٹ آف جموں اینڈکشمیر اینڈ لداخ کے جج صاحبان نے جنوبی کشمیر کے ضلع اننت ناگ میں ای فائلنگ پورٹل کا افتتاح کیا۔ E-filing portal Inagurated in Anantnag پورٹل کے افتتاح کے بعد میڈیا نمائندوں کے ساتھ بات کرتے ہوئے جسٹس علی محمد ماگرے نے بتایا کہ ’’کورٹ کا کام کاج خصوصا اپیل یا شکایت آن لائن دائر کرنے سے لوگوں کو کافی فائدہ حاصل ہوگا۔‘‘
اننت ناگ میں ای فائلنگ پورٹل کا افتتاح
جسٹس ماگرے نے مزید کہا کہ ’’عدالتوں کا بنیادی ڈھانچہ مستحکم کرنے اور انہیں ڈیجیٹائز کرنے کی غرض سے ہنگامی طور پر اقدامات اٹھائے جا رہے ہیں۔‘‘ انہوں نے مزید کہا کہ جموں و کشمیر یونین ٹیریٹری کی ضلع عدالتوں میں اننت ناگ کورٹ کو سب سے پہلے ڈیجیٹائز کیا گیا جبکہ دیگر عدالتوں کو بھی جلد ڈیجیٹائز کیے جانے سے متعلق کام جاری ہے۔