زخمی نوجوان زندگی کی جنگ ہار گیا

جنوبی کشمیر کے ضلع اننت ناگ میں چند روز قبل سڑک حادثے میں زخمی ہونے والا نوجوان زخموں کی تاب نہ لاکر فوت ہوگیا۔

ضلع اننت ناگ کے شمپورہ قاضی سے تعلق رکھنے والا عبدالرشید تانترے نامی 35 سالہ نوجوان چند روز قبل چمولا قاضی کے مقام پر سڑک حادثے کے دوران شدید زخمی ہو گیا ہے۔

حادثے کا شکار ہوئے نوجوان کو نازک حالت میں سرینگر کے اسکمز اسپتال میں داخل کیا گیا تھا۔ قریب دو ہفتے تک نوجوان ہسپتال میں موت و حیات کی کشمکش میں مبتلا رہا اور آخر کار منگل صبح زندگی کی جنگ ہار گیا۔

قانونی لوازمات کے بعد نوجوان کی لاش کو آخری رسومات کے لیے لواحقین کے سپرد کیا گیا ہے۔