جموں و کشمیر کے جنوبی علاقہ قاضی گنڈ میں کولگام پولیس نے منشیات کی بڑی کھیپ پکڑی ہے اور چار افراد کو گرفتار کر لیا۔
پولیس نے درین قاضی گنڈ میں پٹھان کوٹیہ ویشنو ڈھابا پر چھاپہ مار کر شراب کی 1642 بوتلیں، فکی 1680 کلو اور چرس 200 گرام ضبط کیا ہے۔
قاضی گنڈ پولیس اسٹیشن میں پریس کانفرنس سے خطاب کرتے ہوئے ایس ڈی پی او محمد شفیق اور ایس ایچ او ارشاد ریشی نے کہا کہ پولیس کو اس طرح کی اطلاعات موصول ہوئی تھی کہ قاضی گنڈ علاقہ میں منشیات کا کاروبار بڑے پیمانے پر ہورہا ہے۔ جس میں غیر مقامی افراد کے سمیت مقامی افراد بھی شامل ہیں۔
قاضی گنڈ سے بڑی مقدار میں منشیات ضبط، چار گرفتار پولیس نے اپنے تمام ذرائع کا استعمال عمل میں لاتے ہوئے قامی شاہراہ پر قائم ڈھابے پر چھاپہ مار کر بڑی مقدار میں منشیات کی اشیاء ضبط کی ہے اور اس کاروبار میں ملوث 5 افراد جن میں آنچل سنگھ ولد شیو لال سنگھ ساکنہ بٹوٹ رامبن، راجو سنگھ ولد کجپت سنگھ ساکنہ کد ادھمپور، پرتاپ سنگھ ولد پیار سنگھ ساکنہ کد ادھپور اور شکیل احمد وانی ولد نور محمد وانی ساکنہ پانزتھ قاضی گنڈ کو گرفتار کیا گیا ہے، جبکہ ڈھابے کا مالک ظہور احمد شیخ ساکنہ درین قاضی گنڈ گرفتاری سے بچنے کے لے روپوش ہوگیا ہے،جس کی تلاش جاری ہے۔پولیس نے اس سلسلے میں کیس زیر نمبر 251/20 این ڈی پی ایس ایکٹ کے تحت درج کیا ہے۔پولیس نے لوگوں سے اپیل کی ہے کہ وہ منشیات کے کاروبار کے روکتھام کے سلسلے میں پولیس کو اپنا تعاون پیش کریں۔اس بیچ کولگام پولیس کی کاروائی پر عام لوگوں نے اطمینان کا اظہار کیا ہے۔
قابل ذکر ہے کہ وادی میں پولیس نے گذشتہ کئی مہینوں سے منشیات فروش کے خلاف مہم شروع کی ہے اور اب تک کئی افراد کو گرفتار کیا گیا ہے وہیں بڑی مقدار میں نشیلی اشیاء بھی ضبط کی گی ہے۔
