Restaurants Sealed In Anantnag اننت ناگ میں محکمہ خوراک کی جانب سے چار ریستوران سیل

اننت ناگ میں محکمہ خوراک نے ان ریستوران کے خلاف کارروائی لائی جو من مانی قیمتوں میں اشیائی خوردنی فروخت کرتے ہیں۔ اس سلسلے میں محکمے کے انفورسمنٹ ٹیم نے چار ریستواران کو سیل کر دیا ہے۔Four restaurants Sealed In Anantnag For Violating norms

اننت ناگ:محکمہ خوراک کی جانب سے اننت ناگ میں اُن ریستوران مالکان کے خلاف کارروائی عمل میں لائی گئی جو من مانی قیمتوں پر اشیائی خوردنی فروخت کرتے ہیں ۔مہم کے دوران چار ریستوران کو سیل کردیا گیا جن میں اننت ناگ کے مشہور ریستوران "کھن چن، امیگوز، دی سپونج، اور پارسا" شامل ہیں۔Four restaurants Sealed In Anantnag For Violating norms

محکمہ خوراک نے اس دوران قوانین کی خلاف ورزی کرنے والے منافع خور دکانداروں کے خلاف کارروائی بھی عمل میں لائی۔

وہیں ریستوران مالکان نے صحافیوں سے بات کرتے ہوئے کہا کہ محکمہ امور صارفین کی جانب سے آج تک انہیں کوئی بھی نرخ نامہ مہیا نہیں کیا گیا ہے اور وہ جن قیمتوں پر فُوڈ فروخت ہیں ہمیں اس سے زیادہ انہیں خرچہ آتا ہے، لہذا بلا جواز کارروائی کرنا ان کے ساتھ سراسر نا انصافی ہے۔

اس معاملے پر اسسٹنٹ ڈائریکٹر فوڈ اینڈ سپلائز اننت ناگ مدثر احمد نے کہا کہ انہیں لوگوں کی جانب سے شکایات موصول ہورہی تھیں کہ بازاروں میں گراں فروشی کی جارہی ہے۔ اس ضمن میں محکمہ کی انفورسمنٹ ٹیم نے مختلف بازاروں کا معائنہ کیا اور خلاف ورزی کرنے والے کچھ ریستوران کو سیل کردیا ہے۔

انہوں نے کہا کہ یہ مہم آگے بھی جاری رہے گی اور جو بھی دکاندار سبزی فروش ناجائز منافع خوری اور من مانی قیمتوں پر اشیاء ضروری فروخت کرے گا اس سے سختی سے نمٹا جائے گا۔