اننت ناگ کے تلکھن بجبہاڑہ میں کھدائی کے دوران چار افراد کی موت واقع ہوگئی۔ مہلوکین میں سے باپ بیٹے اور دو بھائی ہیں۔
صفائی کے دوران زہریلی گیس نکل آنے کی وجہ سے ان چار افراد کا دم گھٹ جانے سے موقعہ پر ہی موت واقع ہوئی ہے۔ اگرچہ ان کو موقعہ پر ہی ہسپتال پہنچایا گیا تھا تاہم ڈاکٹروں نے انہیں مردہ قرار دیا۔
تین لاشوں کو گورنمنٹ میڈیکل کالج اننت ناگ پہنچایا گیا۔ جبکہ ایک لاش لواحقین زبردستی اپنے گھر لے گئے۔ پولیس نے اس سلسلے میں معاملہ درج کر کے مزید تحقیقات شروع کر دی ہے۔ کچھ لوگوں کا کہنا ہے چاروں افراد ایک سیوریج ٹرنچ کی کھدائی پر معمور تھے۔تاہم پولیس نے ابھی تک سیوریج ٹرنچ کی کھدائی کی تصدیق نہیں کی ہے۔
ان لاشوں کو پوسٹ مارٹم کے لئے اننت ناگ کے گورنمنٹ میڈکل کالج پہنچایا گیا ہے۔ مرنے والوں کی شناخت نظیر احمد ڈار ولد غلام حسن عبدل رشید ڈار ولد غلام حسن ، رشید احمد وانی ولد عبدل رشید وانی اور سجاد احمد وانی ولد عبدل رشید ساکنان لکٹی پورہ کے بطور ہوئی ہے۔