Tourists Injured In Pahalgam پہلگام سڑک حادثہ میں پانچ سیاحوں سمیت چھ زخمی

اننت ناگ کے سیاحتی مقام پہلگام میں ایک سڑک حادثہ میں چھ افراد زخمی ہوگئے، زخمیوں کو علاج ومعلاجہ کے لیے جی ایم سی اننت ناگ منتقل کیا گیا۔ زخمیوں میں پانچ سیاح بھی ہے۔

اننت ناگ:جنوبی کشمیر کے ضلع اننت ناگ کے معروف سیاحتی مقام پہلگام علاقے میں جمعہ کی دوپہر ایک سڑک حادثے میں کم از کم چھ افراد زخمی ہوئے ہے۔ زخمیوں میں پانچ سیاح بھی شامل ہے۔ ایک سرکاری اہلکار نے ای ٹی وی بھارت کو جانکاری دیتے ہوئے بتایا کہ پہلگام میں یہ حادثہ اس وقت پیش آیا جب سیاحوں سے بھری ایک گاڑی اچانک پلٹ گئی۔ بتایا جا رہا ہے کہ گاڑی جس میں پانچ سیاح سوار تھے اچانک ڈرائیور کے قابو سے باہر ہو کر حادثہ کا شکار ہوگئی۔
انہوں نے بتایا کہ اس واقعہ میں پانچ سیاحوں سمیت چھ افراد زخمی ہوئے جنہیں ہسپتال منتقل کیا گیا، تاہم مزید علاج و معالجہ کے لئے انہیں پہلگام سب ضلع ہسپتال سے گورنمنٹ میڈیکل کالج (جی ایم سی) اننت ناگ منتقل کیا گیا، جہاں ان کی حالت مستحکم بتائی جا رہی ہے۔ زخمیوں کی شناخت سمتی برجیش پاٹل، برجیش پاٹل، ایم جے بلراج، سوروپ، شیلوک اشوک اور مقامی ڈرائیور عبدالرشید کے طور پر ہوئی ہے۔دوسری جانب پولیس نے واقعے کا نوٹس لیتے ہوئے تفتیش شروع کردی ہے۔

واضح رہے کہ ملک بھر میں سڑک حادثات کی وجہ سے ہزاروں افراد اپنی قیمتی جانیں گنوارہے ہیں اور ہزاروں افراد سڑک حادثات میں شدید زخمی ہون کی وجہ سے معذوری کی زندگی گذارنے پر مجبور ہیں۔ سڑک حادثات کی اہم وجوہات میں لاپرواہی سے گاڑی چلانا، نشہ کی حالت میں گاڑی چلانا، انتہائی تیز رفتاری سے گاڑی چلانا وغیرہ شامل ہیں۔ متعلقہ محکمہ کی جانب سے آئے دن اس ضمن میں شعور بیداری مہم بھی چلائی جاتی ہے۔ ہائی ویز پر جگہ جگہ ڈرائیورنگ کے دوران احتیاط برتنے کی ہدایات پر مبنی بورڈ لگائے گئے ہیں لیکن اس کے باوجود سڑک حادثات میں کمی کے بجائے دن بہ دن اضافہ ہی ہوتا جارہا ہے۔