مرکز کے زیر انتظام خطہ جموں و کشمیر کے ضلع اننت ناگ میں سلفیہ فاونڈیشن شیر باغ کے اشتراک سے جموں کشمیر جمعیت اہلحدیث کے ذمہ داران کی جانب سے اننت ناگ کے گانجی واژہ علاقے میں ایک ڈائلیسز سینٹر کا قیام عمل میں لایا گیا ہے۔یہ مرکز گردوں کے مرض میں مبتلا مریضوں کے لیے مختص رکھا جاۓ گا۔ جبکہ مستحق افراد کی مفت ڈیالیسز عمل میں لائی جاۓ گی۔ اس موقع پر جمعیت کے صدر پروفیسر غلام محمد بھٹ اور اشتیاق احمد مسگر سمیت دیگر متعلقین بھی موجود رہے۔Establishment of Dialysis Center at Salafia Foundation Sher Bagh
منتظمین کا کہنا ہے کہ جہاں فاونڈیشن ہر وقت عوامی خدمات کے لئے پیش پیش رہتا ہے وہیں فاونڈیشن کی جانب سے پہلے ہی یتیموں اور بیواؤں اور مستحق افراد کی مدد کی جاتی، اس کے علاوہ ہ ناگہانی آفت سے نمٹنے کے لیے فاونڈیشن سے وابستہ والنٹیر تیار رہتے ہیں، جس طرح کروانا وائرس کے دور میں سرکاری عملہ کی ساتھ ساتھ عوام کی خدمت کے لئے ہمارے کار کنان پیش پیش رہے ۔
منتظمین کے مطابق اس سینٹر کا قیام ڈیالیسز مراکز کی کمی اور ایسے مریضوں کی بڑھتی تعداد کے تناظر میں عمل میں لایا گیا ہے۔ انہوں نے مزید کہا کہ اس ڈائلیسز سینٹر میں ایک وقت پانچ مریضوں کی ڈیالیسز کی جائے گی۔ اور ایک دن میں تقریب 20 25 مریض اس سے استفادہ کر سکیں گے۔ انہوں نے نے امید ظاہر کی کہ مستقبل میں بھی اس طرح کے اور پروگرامز عمل میں لائے جائینگے، جس سے خاطر خواہ نتائج برآمد ہوسکتے ہیں۔