اننت ناگ میں انہدامی مہم کا آغاز

جنوبی کشمیر کے ضلع اننت ناگ میں میونسپل کونسل نے غیر قانونی تجاوزات و تعمیرات کو منہدم کرنے کی غرض سے ایک مہم کا آغاز کیا ہے۔

تفصیلات کے مطابق میونسپل کونسل کی جانب سے تجاوزات و تعمیرات کو منہدم کرنے کی غرض سے ایک مہم کا آغاز کیا ہے۔ جسکے تحت گزشتہ دن سے کئ مقامات پر غیر قانونی طور پر اور بلا اجازت تعمیر کی جا رہی کچھ عمارتوں کو منہدم کیا گیا۔

کونسل کے سی ای او سید یاسر کی قیادت میں جاری اس مہم کے دوران کئی لوگوں کو نوٹس بھی اجراء کۓ گئے ہیں۔

اس موقع پر سید یاسر نے کہا کہ آنے والے وقت میں اس مہم میں مزید تیزی لائی جاۓ گی۔

انہوں نے کہا کہ کچھ سیاستدانوں کی جانب سے اسطرح کی غیر قانونی تعمیرات میں ملوث افراد کو دفاع کرنے کی کوشش کی جا رہی جسکا انتظامیہ نے سنگین نوٹس لیا ہے۔