اننت ناگ: ڈی سی کا قرنطینہ مراکز اور ریڈزونز کا دورہ

کے کے سدھا نے گزشتہ روز ترقیاتی کمشنر برائے ضلع اننت ناگ کا عہدہ سنبھالا جس کے بعد ان کا یہ پہلا دورہ ہے۔

ضلع ترقیاتی کمشنر اننت ناگ کے کے سدھا نے ضلع اننت ناگ کے ریڈ زونز اور قرنطینہ مراکز کا دورہ کیا۔

کے کے سدھا نے گزشتہ روز ترقیاتی کمشنر برائے ضلع اننت ناگ کا عہدہ سنبھالا جس کے بعد ان کا یہ پہلا دورہ ہے۔

اپنے دورہ کے دوران انہوں نے نوگام، شانگس، تیلونی و دیگر کئی ریڈ زون علاقوں کے ساتھ ساتھ، سالیہ اور آکورہ میں قائم قرنطینہ مراکز کا بھی دورہ کیا، جس دوران انہوں نے وہاں پر در کار ضروری سہولیات و دیگر کام کاج کا جائزہ لیا۔انہوں نے تمام نوڈل افسران کو ہدایت دی کہ وہ قرنطینہ مراکز میں رکھے گئے افراد کو ہر ضروری سہولیات کی فراہمی کو یقینی بنائیں۔ وہیں ریڈ زونز میں مکمل لاک ڈاون کو نافذ کرنے کے اقدامات اٹھائیں۔ان کے ہمراہ قرنطینہ مراکز کے نوڈل افسران و دیگر کئی افسران بھی موجود تھے۔