کاؤنٹر انٹیلیجنس کی جانب سے بجبہاڑہ کے متعدد مقامات پر چھاپے

سی آئی کے ٹیم نے بجبہاڑہ کے گوری ون، زرپارہ اور نیو کالونی میں محمد سلطان تیلی، سجاد احمد زرگر، محمد اسحاق سمیت کئی دیگر مقامی باشندگان کی رہائش گاہ پر چھاپے ڈالے جہاں ابھی تلاشی کارروائی جاری ہے۔

کاؤنٹر انٹیلیجنس کشمیر (سی آئی کے) کی جانب سے ضلع اننت ناگ کے بجبہاڑہ کے مختلف مقامات پر چھاپے ڈالے گئے۔

تفصیلات کے مطابق جموں و کشمیر پولیس کی شاخ، کاؤنٹر انٹیلیجنس کشمیر نے پولیس اور سی آر پی ایف کے ہمراہ قصبہ بجبہاڑہ کے کئی مقامات پر پیر کی صبح چھاپے ڈالے۔

سی آئی کے ٹیم نے بجبہاڑہ کے گوری ون، زرپارہ اور نیوکالونی میں محمد سلطان تیلی، سجاد احمد زرگر، محمد اسحاق سمیت کئی دیگر مقامی باشندگان کی رہائش گاہ پر چھاپے ڈالے جہاں ابھی تلاشی کارروائی جاری ہے۔ ذرائع کے مطابق کارروائی معاملہ کچھ بینک لین دین سے متعلق ہے۔ کارروائی ختم ہونے کے بعد مزید تفصیلات سامنے آئیں گی۔