'ریاستی درجہ ملنے تک کانگریس انتخابات میں حصہ نہیں لے گی'

جنوبی کشمیر کے ضلع اننت ناگ کے حلقہ انتخاب کوکرناگ کے مونسپل کمیٹی میں کانگرس کی جانب سے ورکررس کنوینشن منعقد کیا گیا، جس کی سربراہی کانگریس پارٹی کے سینئر رہنما پیرزادہ محمد سعید نے کی۔

کنوینشن میں پارٹی کے سینکڑوں کارکنان نے شرکت کی۔ پارٹی میں کانگریس کے سینیئر لیڈران نے کارکنان سے خطاب بھی کیا۔

کانگریس پارٹی کے سینیئر رہنما پیرزادہ محمد سعید نے کہا کہ کانگرس لوگوں کے مسائل حل کرنے کے لیے میدان میں سرگرم ہے۔

انہوں نے کارکنان سے تلقین کی کہ وہ کانگرس کو مزید مستحکم اور مضبوط بنائیں تاکہ آنے والے اسمبلی انتخابات میں کانگرس بھاری اکثریت سے اپنی جیت درج کریں۔

میڈیا سے بات کرتے ہوئے پیرزادہ محمد سعید نے کہا کہ جب تک جموں کشمیر میں ریاست کا درجہ بحال نہیں کیا جائے گا، تب تک کانگرس الیکشن میں حصہ نہیں لے گی۔

انہوں نے مزید کہا کہ حد بندی سنہ 2026 میں ہونے تھی لیکن بی جے پی نے جموں و کشمیر میں اس عمل کو پہلے ہی لایا ہے جو ٹھیک بات نہیں ہے۔