کوکرناگ: عید کے روز بھی عارضی ملازمین کا احتجاج

عارضی ملازمین نے اپنے مختلف مطالبات کو لیکر یوم سیاہ منایا۔

جنوبی کشمیر کے کوکرناگ کے باٹنیکل گاڑن میں مختلف محکموں میں کام کر رہے عارضی ملازمین نےعیدالاضحیٰ کے موقع پر بطور احتجاج یوم سیاہ منایا۔

احتجاج میں شامل عارضی ملازمین کا مطالبہ ہے کہ ایس آر او 520 کو نافذ کیا جائے۔ میڈیا سے بات کرتے ہوئے مظاہریبن نے کہا کہ وہ پچھلے کئی سالوں سے مختلف محکموں میں کام کر رہے ہیں لیکن حکومت نے انہیں تنخواہوں سے محروم رکھا ہے، جس کی وجہ سے عید کے روز بھی ان کے اہل خانہ فاقہ کشی کرنے پر مجبور ہو گئے۔

مظاہرین نے گورنر انتظامیہ سے معاملے میں مداخلت کی اپیل کرتے ہوئے کہا ہے کہ وہ انکے حق میں بقایاجات ویجز، ایس آر او 520 اور تنخواہیں فراہم کرائیں۔