اننت ناگ اور پلوامہ میں سرچ آپریشن

جموں و کشمیر کے ضلع اننت ناگ اور پلوامہ میں عسکریت پسندوں کی موجودگی کی اطلاع کے بعد سکیورٹی فورسز نے سرچ آپریشن شروع کیا ہے۔ اننت ناگ کے ویری نوبوگ علاقہ میں فوج کی تین راشٹریہ رائیفلز کی جانب سے تلاشی کاروائی جاری ہے۔ جبکہ پلوامہ کے کھیو کے میر محلہ کو بھی سکیورٹی فورسز نے محاصرے میں لیا ہے۔

تفصیلات کے مطابق ضلع اننت ناگ کے ویری نوبوگ علاقہ کو سکیورٹی فورسز نے اس وقت محاصرہ میں لیا جب انہیں مذکورہ علاقہ میں چند عسکریت پسندوں کی موجودگی کی مصدقہ اطلاع موصول ہوئی۔

علاقہ میں فوج کی تین راشٹریہ رائیفلز کی جانب سے تلاشی کاروائی جاری ہے۔ تاہم سرچ آپریشن کے دوران ابھی تک کسی بھی ناخوشگوار واقعہ کی اطلاع نہیں ہے۔

دوسری طرف ضلع پلوامہ کے کھیو کے میر محلہ کو سکیورٹی فورسز نے اُس وقت محاصرے میں لے لیا، جب سکیورٹی فورسز کو علاقے میں عسکریت پسندوں کی موجودگی کی اطلاع ملی، خبر لکھے جانے تک محاصرہ جاری تھا۔ مزید تفصیلات کا انتظار ہے۔