ڈی ایس پی سید مجید کی قیادت میں پولیس کی ایک ٹیم نے ایس ایچ او ڈورو نظیر اندرابی کے ہمراہ پونژو ویری ناگ میں کئی کنال اراضی پر خشخاش کی کاشت کو تباہ کیا۔ پولیس کا کہنا ہے کہ اس طرح کی منشیات و دیگر غیر قانونی اشیاء کے کاروبار میں ملوث افراد کے خلاف سخت کارروائی کی جائے گی جبکہ عوام سے اس سلسلے میں تعاون کی اپیل کی گئی ہے۔
اگرچہ پولیس کے اس اقدام کی عوامی حلقوں نے سراہنا کی لیکن ساتھ ہی پولیس سے منشیات کے خلاف جنگ جاری رکھنے کی تلقین کی گئی۔ لوگوں کا کہنا ہے کہ منشیات کے خلاف اس جنگ کو ابتدائی مراحل میں ہی شروع کرنے کی بے حد ضرورت ہے۔
واضح رہے کہ جنوبی کشمیر منشیات کے کاروبار و اس سے منسلک کاشت میں پورے ملک میں سرفہرست ہے۔ ایسے میں ضرورت اس بات کی ہے کہ موجودہ اور آنے والی نسل کو منشیات کی لت سے بچانے کے لئے زمینی سطح پر اجتماعی طور پر اقدامات کیے جائیں۔