کوکرناگ: ژالہ باری میں پھنسے لوگوں کو فوج نے بچایا

حلقہ انتخاب کوکرناگ کے سنتھن ٹاپ میں گذشتہ رات ہونے والی زبردست ژالہ باری کی وجہ سے تقریبا 10 افراد پھنس گئے، جن کو فوج اور جموں کشمیر پولیس کی مدد سے گھنٹوں مشقت کے بعد بچایا گیا۔

جموں و کشمیر کے حلقہ انتخاب کوکرناگ کے سنتھن ٹاپ میں گذشتہ رات ہونے والی ژالہ باری کی وجہ سے تقریبا 10 افراد برف باری کی زد میں آگئے، جس کے بعد فوج اور جموں کشمیر پولیس کی مشترکہ ٹیم جائے حادثہ پر پہنچ کر برف باری میں پھنسے 10 افراد کو بچانے کی جدو جہد شروع کی اور گھنٹوں مشقت کے بعد شہریوں کو بچایا گیا، جب کہ بعد میں انہیں فوج کی جانب سے دیگر چیزیں گرم ملبوسات، کمبل اور کھانا بھی فراہم کیا گیا۔

واضح رہے کہ جموں و کشمیر میں محکمہ موسمیات کی طرف سے بالائی علاقوں میں زبردست ژالہ باری اور نشیبی علاقوں میں بارش کی پیشن گوئی کی تھی، پیشن گوئی کے عین مطابق وادی کشمیر کے مختلف علاقوں میں کل رات سے ہی برف باری کا سلسلہ شروع ہوگیا۔ جن میں گلمرگ، سونہ مرگ، پیر کی گلی، سنتھن ٹاپ اور مرگن ٹاپ سر فہرست ہیں۔