Residential House Gutted in Blaze اننت ناگ مٹن میں آتشزدگی، ایک رہائشی مکان خاکستر

جنوبی کشمیر کے ضلع اننت ناگ کے مٹن علاقہ میں ہفتہ کے روز آتشزدگی کے ایک واقعہ میں ایک رہائشی مکان خاکستر ہوگیا۔ آگ لگنے کی وجوہات کا فوری طور پر پتہ نہیں چل سکا، تاہم پولیس نے کیس درج کر کے جانچ شروع کر دی ہے۔ Residential house gutted in blaze in Anantnag

اننت ناگ:قصبہ اننت ناگ کے مٹن چوک میں آتشزدگی کے ایک ہولناک واقعہ میں ایک رہائشی مکان خاکستر ہوگیا۔ تفصیلات کے مطابق ہفتہ کے روز مٹن چوک کے کانل بازار میں ریاض احمد بھوانی نام کے ایک شخص کے مکان کی اوپری منزل میں آگ لگ گئی۔ آگ نے آنا فانا پورے مکان کو اپنی زد میں لے لیا۔ Residential house gutted in blaze in anantnag

فائر اینڈ ایمرجنسی سروس کا عملہ فوری طور پر جائے واردات پر پہنچ گیا۔ مقامی لوگوں اور فائر محکمے نے بروقت کارروائی کرکے آگ پر قابو پا لیا۔ آگ کی وجوہات کا فوری طور پر پتہ نہیں چلا ہے ،تاہم اس سلسلہ میں جانچ شروع کر دی گئی ہے۔ آتشزدگی کی اس واقعے میں لاکھوں کی املاک کا نقصان ہوا ہے۔ متاثرین نے انتظامیہ سے امداد کی اپیل کی۔