اننت ناگ میڈیکل کالج میں احتیاطی تدابیر پر عمل نہیں

ضلع اننت ناگ کے میڈیکل کالج میں او پی ڈی کے ساتھ ساتھ کورونا مریضوں کی بھی جانچ کیے جانے کی وجہ سے احتیاطی تدابیر پرعمل نہیں ہوپارہا ہے، جس کی وجہ سے تیمارداروں نے سخت اعتراض جتایا ہے۔

ضلع اننت ناگ کے گورنمنٹ میڈیکل کالج میں او پی ڈی کے ساتھ ساتھ کورونا مریضوں کی بھی جانچ عمل میں لائی جا رہی ہے، جس کی وجہ سے عام مریض بھی کورونا وبا کا شکار ہو سکتا ہے۔

او پی ڈی کے ساتھ ساتھ کورونا مریضوں کی جانچ کرنے کے خلاف عام مریض اور تیمار داروں نے سخت اعتراض جتایا، جس کے بعد اسپتال انتظامیہ نے کووڈ جانچ سینٹر کو دوسری جگہ منتقل کرنے کا فیصلہ کیا ہے۔

اسپتال انتظامیہ کے مطابق او پی ڈی میں زیادہ بھیڑ جمع ہونے کی وجہ سے اب کورونا سے منسلک کسی بھی جانچ کے لیے دوسر جگہ اقدامات اٹھائے جا رہے ہیں اور اس سلسلے میں تمام تر قواعد و ضوابط کا بھی خاص خیال رکھا جا رہا ہے۔