اننت ناگ: ڈورو میں پانی کی قلت پر احتجاج

جنوبی کشمیر کے ضلع اننت ناگ کے ڈورو میں پینے کے پانی کی شدید قلت کے سبب لوگوں نے احتجاج کیا۔

احتجاج کر رہے لوگوں نے الزام عائد کیا کہ ان کے علاقے میں گزشتہ کئی مہینوں سے پینے کے پانی کی شدید قلت ہے جس کی وجہ سے انہیں تکالیف کا سامنا کرنا پڑ رہا ہے۔

احتجاج کر رہے ایک شخص نے ای ٹی وی بھارت کو بتایا کہ 'انہیں آلودہ پانی استعمال کرنے پر مجبور کیا جارہا ہے جس کے ہماری صحت پر بُرے اثرات پڑے ہیں۔

مقامی لوگوں نے کہا کہ 'اس سلسلے میں کئی بار متعلقہ دفاتر میں شکایت درج کرائی جاچکی ہے لیکن کوئی فائدہ نہیں ہوا۔

انہوں نے متعلقہ حکام سے درخواست کی کہ جلد ازجلد اس معاملے کو حل کریں تاکہ اس علاقے کو پینے کے پانی کی فراہمی کی جاسکے۔