ڈی ڈی سی انتخابات کی تیاریاں عروج پر

مرکز کے زیر انتظام علاقہ جموں و کشمیر میں ڈی ڈی سی انتخابات کی تیاریاں بڑے پیمانے جاری ہیں۔

ڈسٹرکٹ ڈیولپمنٹ کاؤنسل کے انتخابات میں شامل ہونے کے لئے کانگریس کے نو منتخب اُمیدوار محمد سلیم گنائی نے بھی حلقہ انتخاب کوکرناگ کے ساگم بلاک سے پرچۂ نامزدگی داخل کیا۔ اس موقع پر ان کے ہمراہ پارٹی کے سینئر رہنماؤں کے ساتھ ساتھ لوگوں کی بڑی تعداد بھی شامل رہی۔

پرچۂ نامزدگی داخل کرنے کے بعد محمد سلیم نے میڈیا سے بات کرتے ہوئے کہا کہ 'لوگوں کو چاہیے کہ وہ اُس امیدوار کا انتخاب کریں جو ان کی خدمت کرے اور ساگم علاقہ کی صحیح طریقے سے ترجمانی کر سکے۔

انہوں نے مزید کہا کہ 'لوگوں کو اس بات کا بخوبی علم ہے کہ علاقے کی تعمیر وترقی کے لئے انہوں نے ہمیشہ پیش قدمی کی ہے۔'

ان کا کہنا ہے کہ 'بلاک ساگم کے لوگ ان پر اعتماد رکھیں اور ان کو ووٹ دے کر کامیاب بنائیں، تاکہ مستقبل میں بھی وہ علاقہ کی فلاح و بہبود کے لئے کوشاں رہیں گے۔'