Blood Donation Camp in Verinag ویری ناگ میں بلڈ ڈونیشن کیمپ

جنوبی کشمیر کے ویری ناگ علاقے میں بی آر او کی جانب سے منعقد کیے گئے بلڈ ڈونیشن کیمپ میں سو سے زائد رضاکاروں نے خون کا عطیہ پیش کیا۔ BRO Organised Blood Donation Camp in Verinag

اننت ناگ:جنوبی کشمیر کے ضلع اننت ناگ کے ویری ناگ علاقے میں بارڈر روڈز آرگنائزیشن (بی آر او) کی جانب سے بلڈ ڈونیشن کیمپ کا انعقاد کیا گیا۔ بلڈ ڈونیشن کیمپ میں بی آر او اہلکاروں کے علاوہ مقامی رضاکاروں کی کثیر تعداد نے شرکت کرکے خون کا عطیہ پیش کیا۔ منتظمین کے مطابق کیمپ میں 120 افراد نے خون کا عطیہ پیش کیا جسے ضرورت مند مریضوں کے لیے اسپتال روانہ کیا گیا۔ Blood Donation Camp in South Kashmir

بی آر او کے ایک عہدیدار نے میڈیا نمائندوں کے ساتھ بات کرتے ہوئے کہا کہ بی آر او سڑکوں، شاہراہوں کی تعمیر کے علاوہ اس طرح کے فلاحی کام بھی پیش پیش رہتی ہے۔ انہوں نے کہا کہ سڑک حادثات کے دوران زخمی ہونے والے بعض افراد وقت پر طبی امداد نہ پہنچنے یا خون کی عدم دستیابی کے سبب فوت ہو جاتے ہیں۔

انہوں نے عطیہ خون کیمپ میں شرکت کرنے والے سبھی رضاکاروں کا شکریہ ادا کرتے ہوئے مستقبل میں بھی اس طرح کے مزید کیمپس کے انعقاد کی یقین دہانی کی۔